econlineshop: 【新機試玩】Galaxy Note II 實戰攻略！教你玩盡 S Pen 8大新玩法

S Pen 七絕技、全新筆觸功能

懸筆觸控 Air View

▲ Galaxy Note II 的懸筆觸控功能，感應距離約有 1CM 左右，用起上來唔會太累

Air View 可以話係 Galaxy Note II 一項最主要的 S Pen 全新功能，雖然上一代 Galaxy Note 已經具有 Hovering 懸浮筆觸感應的能力，不過功能就只局限於預告 S Pen 落點。
而 Galaxy Note II 就加入類似電腦滑鼠 Mouse Over 的概念，只要用 S Pen 凌空指點螢幕，就可以預覽相關資訊，包括相簿內的相片、電郵內文、其至是影片片段等等，好比 Galaxy Note II 多了隻滑鼠一樣。

▲ 用 S Pen 凌空督芒，就可以預覽相簿內容喇，對於支援分類相簿功能的 Note II 來講，相當方便呢！

▲ Air View 也可以用於影片播放器中，督一督就可以用子畫面睇睇影片的其他片段

▲ Galaxy Note II 中的捲動目錄，都可以用 S Pen 督住畫面頂 / 底部，自動向上向下捲動

▲ 除了相簿之外，Air View 亦適用於內置的電郵、S Planner，用 S Pen 凌空督芒，就可以顯示出當日的行事曆項目

▲ 內置電郵 App 都用到 Air View，遇到標題超長的電郵，用 S Pen 指一指啦！

▲ 用 S Pen 配搭瀏覽器睇網頁時，凌空督芒就可以做到類似 Mouse Over 的效果，可以打開網頁中部分目錄，同時 Highlight 所選的連結，正是一般觸控手機所缺乏的功能

▲ Air View 試玩

S Pen 筆觸操作

筆觸 Gesture 操作，雖然係 Galaxy Note II 上已經用得到，不過支援的功能有限，僅可以做到 Menu 鍵及 Back 鍵的功能，Galaxy Note II 除了繼承以上兩個指令之外，更加入簡易選取文字、Easy Clip 甚至是 Quick Command 等功能，想知點用？即睇 RingHK 示範！

▲要用 S Pen Gesture 好簡單，只要按實 S Pen 上的按鍵，再係螢幕畫出符號就得喇！先睇睇下面的影片示範：

▲ S Pen Gesture 示範，^ = Menu、< = Back、向上劃 = Quick Command、橫掃 = 選取文字

▲ S Pen Gesture 最方便就係可以簡易選取文字，比起長按選取，唔單止方便得多，而且更為準確

S Pen 快速指令

從 S Pen Gesture 引申出來的便利操作功能，又點止得咁少呢？其實只要按實 S Pen 按鍵向上劃，就可以立即啟動快速指令功能，用簡單的符號來代替功能捷徑，即時啟動對應的應用程式，如果想打傳電郵、打電話，仲可以用支 S Pen 寫埋對方的名字，超方便！

▲ 要啟動 Quick Command 快速指令好簡單，只要按實 S Pen 旁邊的 S Button ，再移近螢幕 (Hovering)，就會喚出手勢操作目錄，再用 S Pen 在螢幕向上劃

▲ 示範點用快速指令

▲ 大家仲可以自行加入快速指令功能，好似小編就用 W 來代表 WhatsApp

Easy Clip 剪貼圖案

有支專用 S Pen 的 Galaxy Note II，同初代 Note 同樣可以用 S Pen 剪剪貼貼圖案。係 Galaxy Note II 上，剪貼功能再有所強化，唔需要事先 Screen Capture，只要用 S Pen 係螢幕上劃出要剪貼的範圍，就可以立即將影像剪出來，直接同朋友分享

▲ 勾劃出影像之後，Galayx Note II 會自動列出分享方法，無論想 Save 低還是用 WhatsApp、Email 分享都好簡單

▲ Easy Clip 示範，操作比 Galaxy Note 簡單直覺得多

Idea Sketch 創意草圖

用得支 S Pen，相信大部分用家都會拎黎畫畫塗鴉，不過對於好似小編般缺乏藝術觸覺的人來講，其實好難發揮到 S Note 的書畫功能。今次 Galaxy Note II 就特別加入創意草圖功能，S Note 會預載一堆書畫草圖，只需要寫出要畫的東西，就可以找到匹配的影像，讓用家貼落 S Note 再創作！

▲ 只需要插片影像時選擇創意草圖功能，再寫出想找的東西，S Note 就會列出預載的一系列影像喇！

▲ 可以好簡單地用創意草圖製作自己的 S Note 記事

▲ 另外大家都可以製作自己的創意草圖，好似簽名、圖畫都可以自己製作

在電郵、S Planner 上畫畫記事　

Galaxy Note II 可以讓 S Pen 塗鴉的地方，除了 S Note 之外，更擴展到到 S Planner 同埋電郵，呢兩個功能均加入畫畫模式，可以直接用 S Pen 塗鴉記事，齊齊「畫 Email」「畫日曆」！

▲ 內置電郵工具列中，加入畫筆功能，可以喚出書畫框架，直接用 S Pen 畫圖傳給對方

▲ 畫電郵最方便之處，就係圖案會自動以 Jpeg 的方式嵌於郵件之中，對方只要打開附件的 jpeg 檔，就睇到你的筆跡啦！

▲ 另外 S Planner 亦設有塗鴉模式，可以用 S Pen 直接係日曆上面書寫，雖然 S Planner 的塗鴉影像沒法跟朋友分享，但由於 S Pen 支援多款畫筆，可以做出螢光筆、鉛筆等不同的筆觸，記事時用上來相當方便

Pop up Note 超方便的記事方法

初代 Galaxy Note 已經可以用 S Pen 雙點螢幕來快速喚出 S Memo Lite，來到第二代目，更 Smart 的 Galaxy Note II 就加入 Pop up Note 功能，只要感應到 S Pen 抽離 Note II，就會立即啟動 S Note，方便用家立即畫寫下重要的消息。

自製相片備註 Photo Note

Galaxy Note II 除了可以用 S Pen 為相片加上特效之外，還加入了一項名為 Photo Note 的新功能，模擬在相片背後加上備註，來看看示範吧！